“Электрондық үкіметтің» ақпараттандыру объектілеріне олардың ақпараттық қауіпсіздік талаптарына сәйкестігіне сынақтар жүргізу
«Электрондық үкіметтің” ақпараттандыру объектілеріне олардың ақпараттық қауіпсіздік талаптарына сәйкестігіне сынақтар жүргізу» қызметін (бұдан әрі- Сынақтар) «Ақпараттандыру туралы» 2015 жылғы 24 қарашадағы Қазақстан Республикасы Заңының (бұдан әрі -Заң) 14-бабы 1-тармағының 7) тармақшасы негізінде ақпараттандыру саласында мемлекеттік монополияға жатқызылған қызмет түрі ретінде ҚР ҰҚК "Мемлекеттік техникалық қызмет" РМК (бұдан әрі – «МТҚ» РМК) көрсетеді.
Объектілерді АҚ талаптарына сәйкестікке сынақтар (бұдан әрі – сынақтар) өткізу объектілерінің техникалық құжаттаманың, Қазақстан Республикасының нормативтік құқықтық актілері мен Қазақстан Республикасы аумағында қолданыстағы ақпараттық қауіпсіздік саласындағы стандарттардың талаптарына сәйкестігін бағалау бойынша жұмыстарды қамтиды және сынақтар объектісін пайдаланудың штаттық ортасында жүргізіледі.
1. Сынақтар міндетті болып табылатын және «МТҚ» РМК жүргізетін "электрондық үкіметтің" ақпараттандыру объектілерінің тізбесі:«Ақпараттандыру туралы» 2015 жылғы 24 қарашадағы Қазақстан Республикасының Заңы 49-бабының 2-тармағына сәйкес сынақтар міндетті болып табылады және ақпараттандырудың келесі объектілеріне жүргізіледі:1) сервистік бағдарламалық өнім;2)«электрондық үкіметтің» ақпараттық-коммуникациялық платформасы;3) мемлекеттік органның (бұдан әрі – МО ) интернет-ресурсы;4) МО ақпараттық жүйесі;5) ақпараттық-коммуникациялық инфрақұрылымның аса маңызды объектілеріне жатқызылған МО ақпараттық жүйесі;6) мемлекеттік электрондық ақпараттық ресурстарды қалыптастыруға, мемлекеттік функцияларды жүзеге асыруға және мемлекеттік қызметтерді көрсетуге арналған мемлекеттік емес ақпараттық жүйе.Ескертпе: Ақпараттық-коммуникациялық инфрақұрылымның аса маңызды объектілеріне ("электрондық үкіметтің" ақпараттандыру объектілері болып табылатындарды қоспағанда) жатқызылған мемлекеттік емес ақпараттық жүйенің және «электрондық үкіметтің» ақпараттандыру объектілеріне жатпайтын басқа да ақпараттандыру объектілерінің ақпараттық қауіпсіздік талаптарына сейкестігіне сынақтарды Заңға сәйкес және Қазақстан Республикасының техникалық реттеу саласындағы заңнамасына сәйкес аккредиттелген сынақ зертханалары жүргізеді.
2. Қолданылатын нормативтік құқықтық актілер мен стандарттар1. «Ақпараттандыру туралы» 2015 жылғы 24 қарашадағы № 418-V Қазақстан Республикасының Заңы (http://adilet.zan.kz/kaz/docs/Z1500000418);2. «Ақпаратқа қол жеткізу туралы» 2015 жылғы 16 қарашадағы № 401-V ҚРЗ Қазақстан Республикасының Заңы (http://adilet.zan.kz/kaz/docs/Z1500000401 );3.«Ақпараттық-коммуникациялық технологиялар және ақпараттық қауіпсіздікті қамтамасыз ету саласындағы бірыңғай талаптарды бекіту туралы» Қазақстан Республикасы Үкіметінің 2016 жылғы 20 желтоқсандағы № 832 қаулысы (http://adilet.zan.kz/kaz/docs/P1600000832);4. «Электрондық үкіметтің» ақпараттандыру объектілеріне және ақпараттық-коммуникациялық инфрақұрылымның аса маңызды объектілеріне жатқызылған ақпараттық жүйелерге олардың ақпараттық қауіпсіздік талаптарына сәйкестігіне сынақтар жүргізу әдістемесі мен қағидаларын бекіту туралы» Қазақстан Республикасының Цифрлық даму, қорғаныс және аэроғарыш өнеркәсібі министрінің 2019 жылғы 3 маусымдағы № 111/НҚ бұйрығы (http://adilet.zan.kz/kaz/docs/V1900018795); "Электрондық үкіметтің" ақпараттандыру объектілеріне және ақпараттық-коммуникациялық инфрақұрылымның аса маңызды объектілеріне жатқызылған ақпараттық жүйелерге олардың ақпараттық қауіпсіздік талаптарына сәйкестігіне сынақтар жүргізу әдістемесі Сынақтар жұмыстарының құрамы мен мазмұнын белгілейді."Электрондық үкіметтің" ақпараттандыру объектілеріне және ақпараттық-коммуникациялық инфрақұрылымның аса маңызды объектілеріне жатқызылған ақпараттық жүйелерге олардың ақпараттық қауіпсіздік талаптарына сәйкестігіне сынақтар жүргізу қағидалары Сынақтар жүргізу тәртібін белгілейді.
5. «Ақпараттандыру объектілерін сыныптау қағидаларын және ақпараттандыру объектілерінің сыныптауышын бекіту туралы» Қазақстан Республикасы Инвестициялар және даму министрінің м.а. 2016 жылғы 28 қаңтардағы № 135 бұйрығы (http://adilet.zan.kz/kaz/docs/V1600013349);6. «Электрондық үкіметтің» ақпараттандыру объектілерінің және ақпараттық-коммуникациялық инфрақұрылымның аса маңызды объектілерінің ақпараттық қауіпсіздігін қамтамасыз етуге мониторинг жүргізу қағидаларын бекіту туралы» Қазақстан Республикасының Қорғаныс және аэроғарыш өнеркәсібі министрінің 2018 жылғы 28 наурыздағы № 52/НҚ бұйрығы (http://adilet.zan.kz/kaz/docs/V1800017019);7. «Электрондық үкіметтің» ақпараттандыру объектілерін интеграциялау қағидаларын бекіту туралы» Қазақстан Республикасы Ақпарат және коммуникациялар министрінің м.а. 2018 жылғы 29 наурыздағы № 123 бұйрығы (http://adilet.zan.kz/kaz/docs/V1800016777);8. ҚР СТ ИСО/МЭК 15408-2-2017 «Ақпараттық технология. Қауіпсіздікті қамтамасыз ету әдістері мен құралдары. Ақпараттық технологиялардың қауіпсіздігін бағалау өлшемшарттары. 2-бөлім. Қауіпсіздікке қойылатын функционалдық талаптар»;9. ҚР СТ ИСО/МЭК 13335-5-2008 «Қауіпсіздікті қамтамасыз ету әдістері мен құралдары. Ақпараттық және коммуникациялық технологияларды қорғауды басқару. 5-бөлім. Желіні қорғауды басқару жөніндегі басшылық»;10. ҚР СТ ISO/IEC 27001-2015 «Қауіпсіздікті қамтамасыз ету әдістері мен құралдары. Ақпараттық қауіпсіздік менеджменті жүйелері»;11. ҚР СТ ISO/IEC 27002-2015 «Қауіпсіздікті қамтамасыз ету әдістері мен құралдары. Ақпараттық қауіпсіздікті басқару құралдары туралы ережелер жиынтығы».
3.Сынақтар жүргізу кезіндегі жұмыстардың құрамы (Қағидалардың 2-тармағына сәйкес сервистік бағдарламалық өнімді қоспағанда)Сынақтар мына жұмыстардан тұрады (Қағидалардың 7-тармағы):1) Бастапқы кодтарды талдау – бастапқы кодты талдауға арналған бағдарламалық құралды пайдалана отырып, бағдарламалық қамтылымды «кемшіліктердің» болуына қарқынды және статикалық талдау жүргізуді қамтиды;2) Ақпараттық қауіпсіздік функцияларын сынау - сервердің және виртуалды ресурстың қауіпсіздік функцияларын (функциялардың құрамы мен мазмұны Әдістемеге 1-қосымшада беріледі) техникалық құжаттаманың, Қазақстан Республикасының нормативтік құқықтық актілері мен Қазақстан Республикасы аумағында қолданыстағы ақпараттық қауіпсіздік саласындағы стандарттардың талаптарына сәйкестігін, соның ішінде бағдарламалық құралды пайдалана отырып (қажет болған кезде) тексеруді қамтиді;3) Жүктемелік сынау – сынақ объектісінің қолжетімділігін, тұтастығын және құпиялылығын сақтауды бағалауды қамтиді, сынақ объектісінің нақты жүктемелік қабілеттілігінің параметрлері айқындалады, дербес деректер жалған деректермен алмастырылған сынақ объектісін штаттық пайдалану ортасында автоматтандырылған сценарийлер негізінде мамандандырылған бағдарламалық құралды пайдалана отырып жүргізіледі;4) Желілік инфрақұрылымды зерттеп-қарау - желілік инфрақұрылымның қорғалу функцияларының техникалық құжаттаманың, Қазақстан Республикасының нормативтік құқықтық актілері мен Қазақстан Республикасы аумағында қолданыстағы ақпараттық қауіпсіздік саласындағы стандарттардың талаптарына сәйкестігіне тексеруді қамтиді, бағдарламалық қамтылымның осалдықтары тұрғысынан сканерлеу, өтініш берушінің желілік инфрақұрлымын, соның ішінде бағдарламалық құралдарды пайдалана отырып қажет болған кезде зерттеп-қарау (функциялардың құрамы мен мазмұны Әдістемеге 2-қосымшада беріледі);5) Ақпараттық қауіпсіздікті қамтамасыз ету процестерін зерттеп-қарау - ақпараттық қауіпсіздікті қамтамасыз ету процестерінің ақпараттық қауіпсіздікті қамтамасыз ету саласындағы нормативтік құқықтық актілер мен стандарттардың талаптарына сәйкестігін бағалауды (функциялардың құрамы мен мазмұны Әдістемеге 3-қосымшада беріледі), бағдарламалық құралдармен серверлерді, виртуалды ресурстар мен желілік жабдықты белгілі осалдықтар тұрғысынан сканерлеуді, оларды жою жөнінде ұсынымдар (қажет болған кезде) қалыптастыруды қамтиді.Сынақтардың нәтижелері бойынша жұмыстардың әрбір түрі бойынша хаттама қалыптастырылады.
4. Сервистік бағдарламалық өнімді сынауға:1) бастапқы кодтарын талдау;2) ақпараттық қауіпсіздік функцияларын сынау;3) жүктемелік сынау кіреді.
5. Көрсетілетін қызметтің құны«Электрондық үкіметтің» ақпараттандыру объектілеріне олардың ақпараттық қауіпсіздік талаптарына сәйкестігіне сынақтар жүргізу» қызметінің бағасы «Ақпараттандыру, ақпараттық қауіпсіздікті қамтамасыз ету салаларындағы мемлекеттік монополия субъектісі іске асыратын қызметтердің бағаларын бекіту туралы» Қазақстан Республикасы Ұлттық қауіпсіздік комитеті Төрағасының 2018 жылғы 23 қазандағы № 86/қе бұйрығымен белгіленеді және мынаны құрайды:
Бастапқы кодтарды талдау
1 Мб үшін
9 654 теңге
Ақпараттық қауіпсіздік функцияларын сынау
1 сынау объектісіне (жүйе/ішкі жүйе)
840 255 теңге
Жүктемелік сынау
Пайдаланушыларды қосу әдісінің (хаттамасының) бір нұсқасына және интеграциялық өзара іс-қимыл әдісінің (хаттамасының) бір нұсқасына
528 371 теңге
Желілік инфрақұрылымды зерттеп-қарау
1 телекоммуникация желісіне (кіші желісіне)
924 405 теңге
Ақпараттық қауіпсіздікті қамтамасыз ету процестерін зерттеп-қарау
845 855 теңге
Сынақ жүргізу қызметінің баға ұсынысын (құның есептеу) алу үшін өтініш беруші «МТҚ» РМК-ның мекенжайына сынақ объектісінің меншік иесі немесе иеленушісі бекіткен Ереженің 29-тармағына сәйкес сынақ объектісінің сипаттамалары туралы сауалнама-сұраулықты қоса бере отырып ресми сұрау салуды жібереді.Егер сынақ жүргізуге өтінім берген кезде өтініш берушіге Сынақ жүргізу қызметінің баға ұсынысын (құның есептеуді) алу талап етілетін болса, өтініш беруші «МТҚ» РМК-ның мекенжайына бұл туралы ресми сұрау салу жіберуі қажет.
6. Cынақ жүргізу тәртібі
1-ші қадам бойынша берілетін өтінімге қоса берілетін құжаттардың тізбесі
Сынақтар жүргізу үшін өтініш беруші мынадай құжаттарды ұсына отырып, мемлекеттік техникалық қызметке қағаз тасымалдауышта ілеспе хатпен Қағидаларға 1-қосымшаға сәйкес нысан бойынша сынақтар жүргізуге өтінім (бұдан әрі – өтінім) береді (Қағидалардың 15-тармағы):
1) шарттарға қол қоюға өкілеттік берілген тұлғаның атына сенімхаттың немесе заңды тұлғаның басшысын тағайындау туралы құжаттың көшірмесі (заңды тұлғалар үшін);
2) сынақ объектісінің меншік иесі немесе иеленушісі бекіткен қағаз тасымалдауышта Қағидаларға 2-қосымшаға сәйкес сынақ объектісінің сипаттамалары туралы сауалнама-сұраулық;
3) меншік иесі немесе иеленушісі бекіткен компакт-дискіде ақпараттандыру объектісіне арналған техникалық тапсырма немесе техникалық ерекшелігі не ақпараттық-коммуникациялық көрсетілетін қызметті (сервистік бағдарламалық өнім үшін) жобалауға арналған тапсырма;
4) сәтті компиляция үшін қажетті сынақ объектілері компоненттерінің және кітапханалары мен файлдары бар модульдерінің бастапқы кодтары компакт-дискіде (қажет болған кезде);
5) Қағидаларға 3-қосымшаға сәйкес сынақ объектісінің ақпараттық қауіпсіздік жөніндегі техникалық құжаттамасының тізбесінің бекітілген көшірмелері электрондық түрде компакт-дискіде (қажет болған кезде);
6) иеленуші (меншік иесі) сынақтар жүргізу туралы өтінім беруге өтініш берушіге өкілеттік беретін құжат (қажет болған кезде).
7. Ақпарттық қауіпсіздік талаптарына сәйкестікке сынақтардың нәтижелері бойынша актіні алу тәртібі:
Қағидаларға 4-қосымшаға сәйкес нысан бойынша ақпарттық қауіпсіздік талаптарына сәйкестікке сынақтардың нәтижелері бойынша актіні (бұдан әрі – сынақтар актісін) Комитет (бұдан әрі – көрсетілетін қызметті беруші, уәкілетті орган) береді.
Сынақтар актісін алу үшін өтініш беруші (бұдан әрі – көрсетілетін қызметті алушы, өтінім беруші) көрсетілетін қызметті берушіге қағаз нысанда не "электрондық үкіметтің" веб-порталы (бұдан әрі – портал) арқылы сынақтар объектісінің иеленушісі немесе меншік иесі бекіткен Қағидаларға 2-қосымшаға сәйкес сынақтар объектісінің сипаттамалары туралы сауалнама-сұраулықты (бұдан әрі – сынақтар объектісінің сипаттамалары туралы сауалнама-сұраулық) қоса бере отырып, Қағидалардың 7-11-тармақтарында айқындалған хаттамалардың толық жинағымен Қағидаларға 7-қосымшаға сәйкес нысан бойынша өтініш жібереді.
Бұл ретте сынақ актісіне енгізу үшін сынақтың жеке түрі бойынша хаттаманың қолдану мерзімі хаттама берілген күннен бастап бір жылдан аспайды.
Сынақ хаттамаларының оң нәтижелері кезінде өтініш тіркелген күнінен бастап он жұмыс күні ішінде қаралады. Қағидалардың 7-11-тармақтарында айқындалған сынақтар хаттамаларының толық жиынтығы негізінде көрсетілетін қызметті беруші жеті жұмыс күні ішінде сынақ хаттамаларын зерделейді және көрсетілетін қызметті берушіге ұсынылған сынақ объектісінің сипаттамалары туралы сауалнама-сұраулық деректерін, сынақ хаттамаларына қоса берілген сынақ объектісінің сипаттамалары туралы сауалнама-сұраулықтың деректерімен салыстырып, айырмашылықтарын белгілейді.
Сынақ хаттамаларын зерделеу және сынақ объектісінің сипаттамалары туралы сауалнама-сұраулықтың деректеріндегі айырмашылықты белгілеу қорытындылары бойынша көрсетілетін қызметті беруші бір жұмыс күні ішінде мынадай:
1) сынақтар актісін беру туралы;
2) сынақтар актісін беруден бас тарту туралы шешімдердің бірін қабылдайды.
Сынақтар актісін беру туралы оң шешім қабылданған жағдайда:
өтініш қағаз нысанында берілген кезде, көрсетілетін қызметті беруші көрсетілетін қызметті алушыға сынақтар актісінің ажырамас бөлігі болып табылатын сынақ объектісінің сипаттамалары туралы сауалнама-сұраулықтың көшірмесін қоса бере отырып, сынақтар актісін жолдайды және тиісті мәліметтерді сынақтар актілерінің тізіліміне енгізеді;
портал арқылы өтініш берілген кезде, көрсетілетін қызметті беруші көрсетілетін қызметті алушыға сынақ актісінің ажырамас бөлігі болып табылатын сынақ объектісінің сипаттамасы туралы сауалнама-сұраулықтың көшірмесін қоса бере отырып, сынақтар актісін көрсетілетін қызметті берушінің уәкілетті адамы электрондық цифрлық қолтаңбасымен (бұдан әрі – ЭЦҚ) қолы қойылған электрондық құжат нысанында "жеке кабинетке" жібереді.
Сынақтар актісін беруден бас тарту туралы шешім қабылданған жағдайда:
өтініш қағаз нысанында берілген кезде, көрсетілетін қызметті беруші көрсетілетін қызметті алушыға сынақтар актісін беруден бас тарту туралы дәлелді жауапты қағаз нысанында жолдайды;
өтініш портал арқылы берілген кезде, көрсетілетін қызметті беруші көрсетілетін қызметті алушыға сынақтар актісін беруден бас тарту туралы дәлелді жауапты көрсетілетін қызметті берушінің уәкілетті адамы электрондық цифрлық қолтаңбасымен (бұдан әрі – ЭЦҚ) қолы қойылған электрондық құжат нысанында "жеке кабинетке" жібереді.
8. Сынақ объектісінің бастапқы коды болмаған немесе сынақтардың басқа түр(лер)ін жүргізу мүмкін болмаған жағдайда, сынақ объектісінің бастапқы кодына талдау немесе сынақтардың басқа түр(лер)ін жүргізудің міндетті еместігі туралы шешім өтінім берушінің сұрау салуы бойынша ҚР ЦДИАӨМ АҚК шешімімен белгіленеді.
9. Сынақ объектісінің басқа ақпараттандыру объектісімен интеграциялануы (қолданыстағы немесе жоспарлы) жағдайында, сынақтар сынақ объектісінің құрамына қамтамасыз ететін компоненттер енгізу (интеграциялау модулі, ішкі интеграциялау жүйесі, интеграциялық шина немесе басқа) арқылы жүргізіледі (Қағидалардың 14-тармағы).
Кеңес алу үшін байланыстарСынақтар жүргізу мәселелері жөнінде «МТҚ» РМК байланысты тұлғаларымен 1400, +7 (7172) 559999 (ішкі нөмірлер 319, 398, 420) телефоны бойынша хабарласуға болады, e-mail synaq@sts.kz.
Мемлекеттік емес ақпараттық жүйе:1) мемлекеттік электрондық ақпараттық ресурстарды қалыптастыруға, мемлекеттік функцияларды жүзеге асыруға және мемлекеттік қызметтерді көрсетуге арналған;2) ақпараттық-коммуникациялық инфрақұрылымның аса маңызды объектілеріне жатқызылған жағдайларда ақпараттық қауіпсіздік талаптарына сәйкестікке міндетті сынақ жүргізуге жатады.
Мемлекеттік электрондық ақпараттық ресурстарды қалыптастыруға, мемлекеттік функцияларды жүзеге асыруға және мемлекеттік қызметтерді көрсетуге арналған мемлекеттік емес ақпараттық жүйелерге сынақты ҚР ҰҚК «МТҚ» РМК жүргізеді.Өзге мемлекеттік емес ақпараттық жүйелерге, соның ішінде ақпараттық-коммуникациялық инфрақұрылымның аса маңызды объектілеріне жатқызылған, алайда бұл ретте "электрондық үкіметтің" ақпараттандыру объектілері болып табылмайтын ақпараттық жүйелерге сынақтар «Техникалық реттеу туралы» Қазақстан Республикасы Заңына сәйкес аккредиттелген сынақ зертханаларында жүргізіледі.
Қазақстан Республикасының Цифрлық даму, қорғаныс және аэроғарыш өнеркәсібі министрінің 2019 жылғы 6 маусымдағы № 111/НҚ бұйрығымен бекітілген "Электрондық үкіметтің" ақпараттандыру объектілеріне және ақпараттық-коммуникациялық инфрақұрылымның аса маңызды объектілеріне жатқызылған ақпараттық жүйелерге олардың ақпараттық қауіпсіздік талаптарына сәйкестігіне сынақтар жүргізу қағидаларының (бұдан әрі – Сынақ жүргізу қағидалары) 29-тармағына сәйкес сынақтар жүргізу құнын есептеу үшін өтініш беруші ҚР ҰҚК «МТҚ» РМК сынақ объектісінің меншік иесі немесе иеленушісі бекіткен сынақ объектісінің сипаттамалары туралы сауалнама-сұраулықты жібереді.Сынақтар жүргізу құны Қазақстан Республикасы Ұлттық қауіпсіздік комитеті Төрағасының 2018 жылғы 23 қазандағы № 86/қе бұйрығымен бекітілген тарифтерді және сынақ объектісінің сауалнама-сұраулықта көрсетілген сипаттамаларын ескере отырып есептеледі.
Сәтті компиляция үшін қажетті сынақ объектілері компоненттерінің және кітапханалары мен файлдары бар модульдерінің бастапқы кодтары компакт-дискіде Сынақ жүргізу қағидаларына 5-қосымшаға сәйкес нысан бойынша бастапқы кодтарды қабылдау-тапсыру актісімен бірге ҚР ҰҚК «МТҚ» РМК жіберіледі.
Сынақ жүргізу қағидаларының 4-тармағына сәйкес ақпараттық қауіпсіздік талаптарына сәйкестікке міндетті сынақ жүргізілетін сынақ объектілеріне мыналар жатады:1) сервистік бағдарламалық өнім;2) "электрондық үкіметтің" ақпараттық-коммуникациялық платформасы;3) мемлекеттік органның интернет-ресурсы;4) мемлекеттік органның ақпараттық жүйесі;5) ақпараттық-коммуникациялық инфрақұрылымның аса маңызды объектілеріне жатқызылған ақпараттық жүйе;6) мемлекеттік электрондық ақпараттық ресурстарды қалыптастыруға, мемлекеттік функцияларды жүзеге асыруға және мемлекеттік қызметтерді көрсетуге арналған мемлекеттік емес ақпараттық жүйе.
Сынақтар жүргізуге өтінім беру мерзімінің шектеулері Сынақ жүргізу қағидаларының 16-тармағында сатып алуды мемлекеттік сатып алу веб-порталы арқылы жүзеге асыратын өтініш берушілер үшін айқындалған. Бұл жағдайда сынақтар жүргізуге өтінім ағымдағы жылдың 1 қарашасынан кешіктірмей қабылданады. Егер өтініш беруші сатып алуды мемлекеттік сатып алу веб-порталы арқылы жүзеге асырған болса және 15 қарашаға дейінгі мерзімде мемлекеттік сатып алу веб-порталында мемлекеттік сатып алу туралы шартты орналастырмаған жағдайда, өтінім жойылады және өтініш берушіге қайтарылады.
Шартты жасау тәртібі мен мерзімдері Сынақ жүргізу қағидаларының 17-19-тармақтарында айқындалған.
ҚР ҰҚК «МТҚ» РМК өтінімді алған күнінен бастап үш жұмыс күні ішінде Сынақ жүргізу қағидаларының 15-тармағында белгіленген тізбеге сәйкес сынақтар жүргізуге өтініммен бірге жіберілген құжаттардың толықтығын тексеруді жүзеге асыруы тиіс.
Өтінім және қоса берілген құжаттар сәйкес келмеген жағдайда, өтінім қайтару себептерін көрсете отырып, өтініш берушіге кері қайтарылады.
Құжаттар топтамасы толық болған кезде ҚР ҰҚК «МТҚ» РМК үш жұмыс күні ішінде өтініш берушіге:
1) сатып алуды өтініш беруші мемлекеттік сатып алу веб-порталы арқылы жүзеге асырған кезде, сынақтар жүргізуге арналған шартқа техникалық ерекшеліктің жобасын жібереді. Өтініш беруші техникалық ерекшеліктің жобасын алған күнінен бастап үш жұмыс күні ішінде мемлекеттік сатып алу веб-порталына мемлекеттік сатып алу туралы шартты тікелей жасау арқылы бір көзден алу тәсілімен мемлекеттік сатып алу туралы шарттың жобасын орналастырады;
2) сатып алуды өтініш беруші мемлекеттік сатып алу веб-порталын қолданусыз жүзеге асырған кезде, сынақтар жүргізуге арналған шарттың екі данасын жібереді. Өтініш беруші жоғарыда көрсетілген шарттың екі данасын алған күнінен бастап бес жұмыс күні ішінде оларға қол қояды және шарттың бір данасын ҚР ҰҚК «МТҚ» РМК қайтарады.
Сынақ жүргізу қағидаларының 21-тармағына сәйкес сынақтар мерзімі өтініш берушімен келісіледі және сынақтар жүргізу бойынша жұмыстардың көлемі мен сынақ объектісінің сыныптау сипаттамаларына байланысты болады.Сынақтар мерзімін келісу мүмкін болмаған жағдайда, өтінім сынақтар мерзімін айқындау үшін уәкілетті органға жүгіну мүмкіндігі көрсетіліп, қанағаттандырусыз өтініш берушіге кері қайтарылады.
Сынақ жүргізу қағидаларының 37-тармағына сәйкес өтініш берушіге анықталған сәйкессіздіктерді жою үшін атқарылған жұмыстар бойынша сынақ хаттамаларын алған күнінен бастап жиырма жұмыс күні беріледі. Оларды жойғаннан кейін өтініш беруші айқындалған сәйкессіздіктерді түзету нәтижелерімен салыстыру кестесін қоса бере отырып, ҚР ҰҚК «МТҚ» РМК қайтадан сынақтар жүргізуге сұрау салу жіберуге тиіс.ҚР ҰҚК «МТҚ» РМК өтініш берушіден хабарламаны алған күннен бастап он бес жұмыс күні ішінде аталған жұмыс түрлері бойынша тиісті құжаттарды ресімдей отырып, ақысыз негізде қайтадан сынақтар жүргізеді.
Ақпараттандыру объектілерін сыныптау Қазақстан Республикасы Инвестициялар және даму министрінің 2016 жылғы 28 қаңтардағы № 135 бұйрығымен бекітілген Ақпараттандыру объектілерін сыныптау қағидаларына (бұдан әрі - Сыныптау қағидаларына) сәйкес жүзеге асырылады. Сыныптау қағидаларының 4-тармағына сәйкес мемлекеттік органдардың ақпараттандыру объектілерін сыныптау кезінде «электрондық үкіметтің» сервистік интеграторы оларға консультациялық және тәжірибелік көмек көрсетеді. Сыныптау қағидаларының 10-тармағы мемлекеттік емес ақпараттандыру объектілерін сыныптауды олардың иелері (иеленушілері) жүзеге асыратынын белгілейді.
Сынақ жүргізу қағидаларының 7-тармағына сәйкес сынақ объектісін сынақтан өткізудің құрамына мынадай жұмыс түрлері кіреді:1) бастапқы кодтарды талдау;2) ақпараттық қауіпсіздік функцияларын сынау;3) жүктемелік сынау;4) желілік инфрақұрылымды зерттеп-қарау;5) ақпараттық қауіпсіздікті қамтамасыз ету процестерін зерттеп-қарау.
Сынақ жүргізу қағидаларының 47-тармағына сәйкес оң нәтижесімен сынақтар актісінің жарамдылық мерзімі "электрондық үкіметтің" ақпараттық-коммуникациялық платформасын қоспағанда, сынақ объектісін өнеркәсіптік пайдалану мерзімімен немесе сынақ объектісін жаңғыртуды бастау сәтіне дейін шектеледі.
"Электрондық үкіметтің" ақпараттық-коммуникациялық платформасының сынақтар актісі бір жылға жарамдылық мерзімімен беріледі.
Қағидаларының 48-тармағына сәйкес ақпараттандыру объектісінің жұмыс істеу жағдайлары мен функционалдығына өзгерістер енгізген кезде ақпараттандыру объектісінің меншік иесі немесе иеленушісі өзгерістерге әкелген жұмыстарды аяқтағаннан кейін көрсетілетін қызметті берушіге (уәкілетті орган) барлық жүргізілген өзгерістердің сипаттамасын және сынақтар объектісінің меншік иесінің немесе иеленушісімен бекітілген сынақтар объектісінің сипаттамалары туралы жаңартылған сауалнама-сұраулықты қоса беріп, хабарлама жібереді.
ҚР ЦДИАӨМ АҚК бес жұмыс күнінен аспайтын мерзімде сынақтар актісін қайтарып алу немесе қайтармау туралы шешім қабылдайды.
Сынақтар жүргізу құны «Ақпараттандыру, ақпараттық қауіпсіздікті қамтамасыз ету салаларындағы мемлекеттік монополия субъектісі іске асыратын қызметтердің бағаларын бекіту туралы» Қазақстан Республикасы Ұлттық қауіпсіздік комитеті Төрағасының 2018 жылғы 23 қазандағы № 86/қе бұйрығымен белгіленген және мыналарды құрайды:
1) Бастапқы кодтарды талдау - 1 Мб үшін 9 654 теңге;2) Ақпараттық қауіпсіздік функцияларын сынау – бір сынақ объектісі үшін (белгіленген құны) - 840 255 теңге;3) Жүктемелік сынау – пайдаланушыларды қосу әдісінің (хаттамасының) бір нұсқасына және интеграциялық өзара іс-қимыл әдісінің (хаттамасының) бір нұсқасына 528 371 теңге;4) Желілік инфрақұрылымды зерттеп-қарау – телекоммуникацияның бір кіші желісі үшін 924 405 теңге.5) Ақпараттық қауіпсіздікті қамтамасыз ету процестерін зерттеп-қарау - 1 сынау объектісі үшін (жүйе/ішкі жүйе) - 845 855 теңге
Сынақ жүргізу қағидаларының 2-тармағының 9) тармақшасына сәйкес сынақ объектісінің меншік иесі немесе иеленушісі, сондай-ақ сынақ объектісінің меншік иесі немесе иеленушісі өкілеттік берген, ақпараттандыру объектісіне ақпараттық қауіпсіздік талаптарына сәйкестігіне сынақтар жүргізуге өтініш берген жеке немесе заңды тұлға сынақ жүргізуге Өтініш беруші болуы мүмкін. Өкілеттік беруге құжаттың нысаны Сынақ жүргізу бұйрығымен регламенттелмейді.
Сынақ жүргізу қағидаларының 40-тармағына сәйкес нәтижелер бойынша Сынақтар актісін ақпараттық қауіпсіздік саласындағы уәкілетті орган - ҚР ЦДИАӨМ АҚК береді.
Хаттаманың жарамдылық мерзімі Сынақ жүргізу қағидаларының 42-тармағында белгіленген және сынақтар актісіне енгізілетін сынақтың жеке түрі бойынша хаттама берілген күнінен бастап бір жылдан аспайды.
Сынақтар актісін алу үшін өтініш беруші (бұдан әрі – көрсетілетін қызметті алушы) көрсетілетін қызметті берушіге қағаз нысанда не "электрондық үкіметтің" веб-порталы арқылы сынақтар объектісінің иеленушісі немесе меншік иесі бекіткен Қағидаларға 2-қосымшаға сәйкес сынақтар объектісінің сипаттамалары туралы сауалнама-сұраулықты қоса бере отырып, Қағидалардың 7-11-тармақтарында айқындалған хаттамалардың толық жинағымен Қағидаларға 2-қосымшаға сәйкес нысан бойынша өтініш жібереді.
Бір немесе бірнеше сынақ хаттамаларының теріс нәтижелері кезінде өтініш тіркелген күннен бастап он бес жұмыс күні ішінде қаралады.
Туындаған келіспеушіліктерді шешу үшін ҚР ЦДИАӨМ АҚК өтініш беруші мен қызмет беруші (қызмет берушілердің) өкілдерін талқылауға шақырып, олардың қатысуымен сынақтар актісін беру немесе бермеу туралы түпкілікті шешім қабылдайды.
ҮЛГІЛЕР:
Сауалнама_сұраулықтың үлгісі
Сынақтар_жүргізуге_өтінім
БЛАНКТЕР:
Сауалнама_сұраулықтың_бланкісі
Сынақтар_жүргізуге_өтінім_бланкісі
